Joriy yil 21-sentabr kuni Oliy va o’rta ta’lim vazirligi vakillari hamda yurtimizdagi bir nechta nufuzli oliy ta’lim muassasalari rektorlari ishtirokida yoshlarni oliy ta’limga qamrab olish va 2020/2021o’quv yili uchun dastlabki test natijalari yuzasidan matbuot anjumani bo’lib o’tdi. Ushbu tadbirdan ko’zlangan asosiy maqsad, oliy ta’lim muassasalarigaga kira olmagan talabalarga qo’shimcha imkoniyatlar yaratish maqsadida yurtimizda chet el davlarlarining nufuzli oliygohlari bilan hamkorlikda ochilgan universetitlar va ular beradigan qo’shimcha imtiyozlar xususida so’z olib borildi. Uchrashuvda O’zbekiston davlat jahon tillari universiteti rektori Ulug’bek Botirovich Azizov universitetimiz tomonidan xorijiy ta’lim muassasalari bilan hamkorlikda amalga oshirilayotgan qo’shma ta’lim dasturlari, mavjud ta’lim yo’nalishlari haqida batafsil ma’lumot berdi. Shu jumladan, Adigey davlat universiteti bilan yo’lga qo’yilgan qo’shma ta’lim dasturi (ikkita diplom, uch yil O’zDJTUda hamda bir yil Rossiya OTMda tahsil oladi) haqida ma’lumotlar keltirib o’tildi. Ushbu oliygoh 2020-yilning 25-sentabriga qadar online xujjatlar qabulini davom ettiradi. Universitet haqida qiziqtirgan barcha ma’lumotlarni O’zDJTUning rasmiy saytidan olish mumkinligi ham aytib o’tildi.
Shu o’rinda ta’kidlashimiz joizki, Adigey davlat universiteti ikki yo’nalish: “Rus tili xorijiy til sifatida” va “Kompyuter lingvistikasi” bakalavriat ta’lim yo’nalishlari bo’yicha hujjatlar qabuli 25-sentabrgacha davom etadi.
2020-2021 O’QUV YILI UCHUN DASTLABKI TEST NATIJALARI YUZASIDAN MATBUOT ANJUMANI BO’LIB O’TDI
