Germaniyaning Konstans amaliy fanlar universiteti vakillari bilan uchrashuv

2020-yil 28-oktabr kuni Germaniyaning Konstans amaliy fanlar universitetining Turizm fakulteti professori Tatyana Timm va ilmiy tadqiqotchisi Florian Eytsenberger bilan uchrashuv bo’lib o’tdi.

Muloqotda O’zDJTU rektori U.Azizov, Xalqaro hamkorlik bo’yicha prorektori A.Abidjanov, Qo’shma ta’lim dasturlari bo’limi boshlig’I H.Yulldashev, Tarjimonlik fakulteti dekani O.Po’latov hamda Tarjima nazariyasi va amaliyoti kafedrasi mudiri L.Xoliyarov ishtirok etdilar.

U.Azizov O’zDJTU haqida barafsil malumot berdi, shu jumladan nemis tilini o’qitishni rivojlantirish hamda turizm sohasiga respublika rahbariyati tomonidan katta e’tibor qaratilayotganligini ta’kidlab, ushbu yo’nalish bo’yicha o’zaro hamkorlikni rivojlantirisah lozimligini e’tirof etdi. Tomonlar hamkorlik istiqbollari, xususan turizm menejmenti va biznes sohasida nemis tili yo’nalishlarida birgalikda ishlash, qo’shma ta’lim dasturlarini yo’lga qo’yish, talaba, o’qituvchi va tadqiqotchilar almashinuvini amalga oshirish masalalarini muhokama qildilar.

Tatyana Timm turizm sohasi bo’yicha O’zbekiston bilan hamkorlik o’rnatish istagini bildirib, bu sohada Xitoy OTMlari bilan ish olib borilayotganligi, talabalar 3 semestr davomida o’z universitetida, 4-7 smestrlarda esa Konstansga tashrif buyurishini ma’lum qildi.
Tomonlar muhokama qilingan yo’nalishlar bo’yicha hamkorlik qilishga tayyorligini ma’lum qildilar.