2021 йил 8 апрель куни Тошкентдаги Альянс Франсез томонидан республика таълим тизимидаги француз тили мутахассислари ҳамда Франция Республикасидан меҳмонлар иштирокида онлайн конференция ўтказилди.
Конференция кун тартибидаги масалалардан бири Франциянинг имло бўйича чемпиони Гийом Терьен томонидан онлайн тарзда ташкил этилаётган Марказий Осиёда француз тилидаги биринчи олимпиадаларда иштирок этиш. Унда Марказий Осиё (Ўзбекистон, Қозоғистон, Қирғизистон, Тожикистон ва Туркманистон)нинг 5та республикасидаги барча франкофон ва франкофилларга иштирок этиш бепул ва очиқ. Ушбу олимпиадада ЎзДЖТУ француз тили йўналиши талабалари ва француз тили ўқитувчиларининг иштироки режалаштирилган.
Шунингдек, Гийом Терьен «orthodidacte» платформасининг асосчиси бўлиб, у билан ҳамкорликда минтақавий олимпиадаларнинг биринчи босқичи ишлаб чиқилган.
Бундан ташқари Тошкентдаги Альянс Франсезда тахсил олаётган умумтаълим мактаблари ўқувчилари ҳамда олий таълим талабалари учун харид қилинадиган ўқув адабиётлари тўғрисида батафсил маълумотлар берилди.
Онлайн конференцияда француз тили назарияси ва амалиёти кафедраси профессор-ўқитувчилари фаол иштирок этди.
Bog’lanish uchun:
Ofis telefon raqami: +998 71 230 1291
Telegram/WhatsApp raqamlari: +998 99 877 4847
Bizning E-mail: uzswlu.international.uz@gmail.com
Ijtimoiy tarmoqlardagi sahifalarimiz:
Telegram | Facebook | Instagram |
«Ushbu veb-sayt O’zDJTU talabalari tomonidan boshqariladi, shuning uchun biron bir xato topsangiz, bizga xabar bering»
1 comment
?