14-19 oktyabr kunlari Adigey davlat universitetiga (Rossiya, Maykop) O’zDJTU ning Xalqaro aloqalar bo‘yicha prorektori A.S. Abidjonov va rus tili filologiya fakulteti dekani N. M. Ibragimovalar tashrif buyurdi.
2021-yil 18-oktabr kuni Adigey davlat universitetining binosida rektor D.K. Mamiy bilan uchrashuv bo’lib o’tdi.
Yig‘ilishning asosiy mavzusi “O‘zDJTU va ADU qo‘shma ta’lim dasturlarini amalga oshirish yo‘llari” bo’lib, uchrashuvda «Rus tili chet tili sifatida» va «Avtomatlashtirilgan qayta ishlash va boshqarish tizimlari» qo’shma ta’lim dasturlarini ishlab chiqishning asosiy muammolari, ushbu yo’nalishlarda talabalarni qabul qilish va o’qitishning o’ziga xos xususiyatlari, shuningdek, kelgusida o’qitishning mumkin bo’lgan shakllari, kelgusida ikki hamkor universitetlar oʻrtasida ilmiy hamkorlik haqida muhokamalar bo’ldi.