Bugun O’zbekiston davlat jahon tillari universitetida Jazoir xalq demokratik respublikasining O’zbekistondagi favqulodda va muxtor elchisi Nosir Busherit janoblari bilan uchrashuv o’tkazildi.
Uchrashuv mobaynida Jazoirdagi QS reytingi baland bo’lgan OTM lar bilan hamkorlik o’rnatish, kelishuvlar doirasida turli anjumanlarda Jazoir OTM lari mutaxassislari ishtiroki, professor-o’qituvchilar va talabalar almashinuvi kabi masalalar muhokama qilindi.
O’zbekiston bilan Jazoir o’rtasidagi diplomatik aloqalar o’rnatilganligining 30 yilligi va 5-iyulda nishonlanadigan Jazoirning milliy bayrami munosabati bilan konkurs tashkillashtirish masalasi ham ko’rib chiqildi.
Shuningdek, uchrashuv davomida Jazoirning O’zbekistondagi elchisi yozgan kitobning taqdimoti ham bo’lib o’tdi. Ma’lumot o’rnida, mazkur kitob o’zbek tiliga Tarjimonlik fakulteti Arab tili tarjima nazariyasi va amaliyoti o’qituvchilari tomonidan tarjima qilingan.
Bog’lanish uchun:
Ofis telefon raqami: +998 71 230 1291
Telegram/WhatsApp raqamlari: +998 99 877 4847
Bizning E-mail: uzswlu.international.uz@gmail.com
Ijtimoiy tarmoqlardagi sahifalarimiz:
Telegram | Facebook | Instagram |