Bugun, 28 iyun kuni Meksikaning Erondagi va Oz’bekistondagi Favqulodda va Muhtor elchisi Gilermo Puente Ordorika O’zbekiston davlat jahon tillari universitetiga tashrif buyurdi.
Tashrif davomida elchi janoblari O’zDJTU Xalqaro hamkorlik bo’yicha prorektor A.Abidjanov rahbarligidagi universitet a’zolari bilan uchrashdi.
Uchrashuvda tomonlar quyidagi masalalarni muhokama etishdi:
– Ispan tili yo’nalishi bo’yicha talabalar, o’qituvchilar va ilmiy tadqiqotchilar almashuvini yo’lga qo’yish;
– shuningdek, o’quv adabiyotlari almashinuvi;
– Meksikaning nufuzli unuversitetlaridan ispan tili mutaxassislarini universitetga kelishi, hamda seminar, dars olib borishlarini tashkil qilish;
– Meksika OTMlarida O’zDJTU o’qituvchilarini malaka oshirish va stajirovka o’tashlarini tashkil qilish;
– mos yo’nalishlar bo’yicha qo’shma ta’lim dasturlarini (Double Degree) yo’lga qo’yish;
– hamkorlikda dolzarb masalalar bo’yicha xalqaro konfernsiyalar va seminarlar tashkil qilish va hokazo.
Yig’ilishda O’zDJTU Xalqaro hamkorlik bo’yicha prorektor A.Abidjanov, Xalqaro aloqalar bo’limi boshlig’i X.Alimova, Roman-german filologiyasi fakulteti dekani O.Xalillayev, Ispan tili nazariy fanlar kafedrasi mudiri T.Oltiyev, Ispan tili amaliy fanlar kafedrasi mudiri D.Bahronovalar ishtirok etishdi.
