Bugun, 20 fevral kuni O’zbekiston davlat jahon tillari universitetiga Shveysariyaning O’zbekistondagi elchixonasi vakillari tashrif buyurishdi.
Universitet kampusi uzra bo’lgan kichik sayohatdan so’ng, tomonlarning rasmiy uchrashuvi bo’lib o’tdi. Mazkur uchrashuvda G’.Raximov rahbarligidagi universitet vakillari Shveysariyaning O’zbekistondagi Favqulodda va muxtor elchisi yordamchisi Domenika Petr hamda elchixonaning madaniyat bo’limi xodimi Shkarina Irina xonimlarni qabul qildi.
Samimiy suhbat davomida tomonlar O’zbekiston davlat jahon tillari universiteti va Shveysariya Konfederatsiyasi oliy ta’lim muassasalari bilan ikki tomonlama hamkorlikni yo’lga qo’yish; fransuz, nemis va ingliz tillari bo’yicha mutaxassislarni jalb qilish; qo’shma dasturlar ishlab chiqish va amaliyotga tatbiq etish kabi masalalarni muhokama qildilar.
Rasmiy uchrashuvdan so’ng mehmonlar universitet axborot-resurs markaziga tashrif buyurishdi. Mehmonlar yaratilgan shart-sharoitlar bilan tanishar ekan, elchixona tomonidan universitet ARM fondiga – o’quv materiallar, adabiyotlar, qo’llanmalar topshirishini alohida ta’kidlab o’tdilar.
Bog’lanish uchun:
Ofis telefon raqami: +998 71 230 1291
Telegram/WhatsApp raqamlari: +998 99 877 4847
Bizning E-mail: uzswlu.international.uz@gmail.com
Ijtimoiy tarmoqlardagi sahifalarimiz:
Telegram | Facebook | Instagram |
«Ushbu veb-sayt O’zDJTU talabalari tomonidan boshqariladi, shuning uchun biron bir xato topsangiz, bizga xabar bering»